Sporting vs Arsenal highlights: William Saliba, Goncalo Inacio ...

Arsenal carry draw wit Sporting Lisbon comot Portugal for an entertaining Europa League last-16 first leg.

Dis go be di first time ova di five times wey dem don meet wey Sporting Lisbon go score goal against di Gunners.

Di march happun for di Estadio Jose Alvalade.

French defender William Saliba first put di Premier League leaders ahead with ogbonge header from corner wey midfielder Fabio Vieira sama am.

But Arsenal only hold dia lead for12 minutes before Goncalo Inacio nod in equaliser afta keeper Matt Turner no fit settle down afta corner kick by Marcus Edwars.

Paulinho supply di Sporting second goal before Japan midfielder Hidemasa Morita equalise Arsenal with own goal.

See highlights of di game

FULL TIME: Di game for Portugal don end as Arsenal carry draw comot. Na beta game all in all and e balance well with plenti chances.

90+3 mins: Bukayo Saka don give ball to goalkeeper again ooo.

90+3 mins: Mikel Arteta dey try ginger im pipo for last minute opening but Ben White dey lag behind small. Sporting don collect ball and Arteta dey shout for im head.

90+1 min: Fatawau run straight to Takehiro but di Arsenal full back do beta and win free kick.

89 mins: Fabio Vieira no fit pass Diomande for box but Bukayo Saka shoot give goalkeeper from long range.

Sporting don make anoda change as Marcus Edward go and anoda teenager Fatawau Issahaku don enta.

87 mins: Full time don almost reach, we fit see more from Arsenal again? Dem go get yab say dem carry draw go back Emirates sha.

85 mins: Takehro Tomiyasu get back well to block Marcus Edward im run. Sporting no get di free kick dem bin dey find and St Juste come late for Tomiyasu

84 mins: Gabriel dey under pressure from Youseff Chermiti wey recieve accolades from Sporting fans

82 mins: Almost no fit kill bird - Fabio Vieira run but Gabriel pass just waka pass am and go straight to Adan

80 mins: Ousmane Diomande drag shot too wide afta St Juste shot bin dey blocked by William Saliba.

79 mins: Emile Smith Rowe free kick reach Takehiro Tomyasu wey dey penalized say im push pesin for box.

E no sweet Sporting fans at all.

77 mins: SUBSTITUTION

Paulinho wey just score don comot for teenager Youssef Chermiti to take ova.

Pesin wey dey worry Arsenal.

76 mins: Flag come up as Gabriel Martinelli slide ball give Granit Xhaka. E pull am back fire di ball give Fabio Vieira but dem don blow whistle.

74 mins: Thomas Patey don show im hand sharparly as im lick out late for St Juste wen im try collect ball.

73 mins: SUBSTITUTION

Sporting don replace Francisco Trincao with Nuno Santos.

Meanwhile Arsenal don bring in Thomas Partey, Emile-Smith Rowe and Gabriel comot Jakub Kiwior, Jorginho and Reiss Nelson.

71 mins: Gabriel Martinelli pick Reiss Nelson from di edge of di box but e fire ball too far.

69 mins: Bukayo Saka bin don dey quiet, e try link up for right before e cut inside.

Arteta dey plan more changes

65 mins: Anoda close one as Fabio Vieira leap to meet cross from di left and Adan comot im header wey bin wan turn goal.

63 mins: Mikel Arteta don decide to replace Oleksandr Zinchenko wit Takehiro Tomiyasu

62 mins: GOAL!

Arsenal, Wetin dey shele!!! Arsenal don equalize 2-2.

58 mins: Marcus Edwards don stand gidigba again as e dey weave for field .

Hidemasa Morita don get yellow for taking out Fabio Vieira so e go miss dia second leg.

56 mins GOAL!

Sporting Lisbon don take di lead with a Paulinho goal. Arsenal get beta work to do now.

52 mins: Arsenal don get beta ginger now with Granit Xhaka wey put header ova di bar

48 mins: CLOSE!

Martinelli bin dey chill for Adan to comot goal post but e still make excellent save from close range. Na close one be dat!

47 mins: Francisco Trincaodey play beta ball as e make cross wey Matt Turner punch away, den Morita play am back to Arsenal goalkeeper well hold am.

Match don start!

SECOND HALF

FIRST HALF

HALF-TIME:

Arsenal don control di ball wella but look shaky for back.

45+3 mins: Matt Turner don carry ball again give Marcus Edwards but luckily e bounce out.

Turner dey look very shaky.

45+2 mins: Di free-kick amount to notin but Granit Xhaka come make a dangerous cross.Reiss Nelson go for am but e know say e no go reach dia and e pull out in time to stop from running into di goalkeeper.

45 mins: Three minutes added on for di half.

Fabio Vieira get free-kick for a decent position for Arsenal inside Sporting half.

44 mins: Na just inches away from Granit Xhaka but goalline technology confam say im header no fully cross di line.

42 mins: Gabriel Martinelli don collect say im block Adan wey wan release ball.

Na actually Granit Xhaka comot di ball from di keeper hand and dem check for VAR but dem let am go without yellow and Martinelli no fit believe am.

39 mins: ALMOST!

Nice move from Arsenal. Fabio Vieira dey pull di strings as Adan make a comfortable save.

Sporting go up di other end and Marcus Edwards dangerous strike dey pushed back some inches past di post.

37 mins: Arsenal wan do do me I do you Sporting as Fabio Vieira dink am to goal but dem head am out.

35 mins: GOAL!

Sporting Lisbon don equalise from corner wey Matt Turner cause. Goncalo Inacio na im score di goal.

32 mins: Matt Turner clear no clear and e go straight to Sporting. Marcus Edwards almost enta Paulinko but Turner fix am.

29 mins: Sporting Captain Sebastian Coates go miss di second leg of dis match for London sake of im yellow card.

Im side dey attack now.

27 mins: Oleksandr Zinchenko curl free-kick enta wall and fire di rebound straight give di goalkeeper wey e comot over di bar.

25 mins: Fabio Vieira bin dey di edge of di Sporting area before Sebastian Coates wey just gbag yellow.

23 mins YELLOW CARDS:

Oleksandr Zinchenko and Sebastian Coates don gbab yellow cards on di Sporting side.

22 mins: GOAL!

Set piece wey Bukayo Saka set up and William Saliba wey use header shoot enta goal.

19 mins: Sebastian Coates wan enta Gabriel Martinelli as e get di ball so o!

But e put di goalkeeper for high jump to win throw in.

17 mins: Sporting Lisbon don dey see di ball more now but di game don dey level, Both teams look like dem get beta organisation wen dem no hold ball.

13 mins: Sporting deal wit di set-piece but Arsenal catch up wit dem shortly afta.

Granit Xhaka pass give Fabio Viera but dem block im shot for edge of box.

11 mins: Nice feet from Bukayo Saka but Gabriel Martinelli dey under pressure wen e come to am on di edge of di box.

Arsenal retain possession though, and Martinelli come win corner.

9 mins: Sporting dey play dangerous today with Jeremiah St. Juste burst for right cross Marcus Edwards bur William Saliba still block am sha!

6mins: Close one for sporting but Pedro Goncalves right cut too wide.

5 mins: First attack from Arsenal. Gabriel Martinelli header land for di keeper hand.

4 mins: Gabriel Martinelli pass dey a little loose for di middle but Oleksandr Zinchenko win am back immediately.

Sporting don settle into an organised shape, Arsenal already dey control tins.

2 mins: First touch for Arsenal debutant Jakub Kiwior as dem pass am around di back before Ben White try to catch out Sporting with one ball over di top for Bukayo Saka. E no work.

1min: KICK-OFF

Arsenal na im start di game.

Arsenal starting Eleven

Sporting Lisbon starting eleven

First Half