Man Utd vs Chelsea highlights: Scot McTominay brace help di Red ...
How McTominay goals help Manchester United beat Chelsea for Old Trafford
Wia dis foto come from, Getty Images
Scot Mc Tominay celebrate as e score two goals against Chelsea for Old Trafford
6 December 2023, 17:08 WAT
New Informate 47 minutes wey don pass
Two goals from Scott McTominay win di game for Manchester United against Chelsea for dis midweek premier league classic.
Despite plenti chances wey Chelsea create, dem no fit find di equalizer afta Cole Palmer goal in di 44th minute.
Between di two keepers, na Chelsea keeper, Robert Sanchez busy pass for di whole game wit some mistakes for di back.
Di blues try for di final minutes to get di equalizer but dem no fit score on a night wey Alejandro Ganarcho, Harry Maguire and Antony Santos shine well well for di Red Devils
Wit dis win, Manchester United don climb to 6th as Chelsea remain 11th for di table wit yet anoda defeat dis season.
Skip Recommended articles and continue reading
Recommended articles
End of Recommended articles
Match highlights
Second half
Full time: Manchester United 2-1 Chelsea
Match don end!
95' Chelsea take di corner but referee blow whistle for di end of di game!
94' Last chance for Chelsea. James take di corner.
94' Shaky moment for Chelsea for dia back. Dem try play di ball among demsefs but di ball end up for corner.
92' Manchester United substitution! Johnny Evans don eplace Alejandro Ganarcho.
91' 4 minutes added time
90' Chelsea chance! Armando Broja head di ball for di back post towards goal but Onana save am.
85' Palmer pass di ball to James. Di Englishman cross inside di box but Enzo attempted back flick no work. Levi Colwill rebound shot go wide.
83' Manchester United don do anoda substitution, Rasmus Hojlund don comot for Marcos Rashford.
81' Yellow card for Diogo Dalot. Di Portuguese stop Sterling wit a foul afta one chance wey di blues get from outside di United box.
79' United chance! Chelsea clearance land for Bruno leg. Di Portuguese beat im marker wen im pass to di lively Ganarcho. Di forward try to bend one ball into di far corner but e go wide.
76' Substitution for Chelsea, Mukailo Mudryk don comot, Armando Broja enta for am.
76' United get anoda chance wen one long ball pass ova di top find Ganarcho afta James try give im keeper back pass. But Sanchez don make im body big wey im save di ball.
73' Chelsea corner! Palmer take give Mudryk short pass but di chance spoil.
71' Chance for Manchester United ! Chelsea keeper Sanchez do mistake as im pass di ball straight to Bruno for im own box.
Bruno cut di ball for McTominay wey im use im left hit di ball towards goal but di ball go wide.
Manchester United 2-1 Chelsea
68' GOAL! Scott McTominay score im second goal for di night for Manchester United. Maguire start di attack as Ganarcho cross di ball for di back post. Di Scottish player head am inside net.
VAR check di goal for possible offside but di goal don stand.
67' United win anoda corner. Dem play am but di chance don scatter.
62' United get anoda corner. Bruno turn wen im take di ball pass to Caicedo but Caicedo do like say im no dey dia. United waste di corner kick.
61' United players dey call for penalty as one ball hit Colwill hand but Referee wave am away sake of say im hand dey natural position.
60' Antony use di side of im boot take hit one ball from inside di box but e go corner.
59' United dey put pressure on Chelsea for back. But di final ball from Ganarcho don go out for throw.
55' Chelsea Offside! Palmer play one slide-rule pass for di United defence. Recce James reach wia im cross di ball but referee blow whistle for offside.
54' Ganarcho don hit anoda shot wide!Di Argentina forward beat im marker inside di Chelsea box but im no fit curl di ball into di net.
53' United chance! Alejandro Ganarcho do anoda bicycle kick like di one im score versus Everton, but dis time di ball go wide.
51' Chelsea don dey speed for di counter attack. Mudryk dey try push di ball into di box but im shot deflect for anoda corner.
50' United get corner. Chelsea defender Disasi pass di ball give im opponent. United wan attack but di ball go corner.
48' Chelsea chance ! Mudryk play di corner into di box. James head am towards di back post. Di ball fall to Jackson but im head am over di bar.
47' Chelsea wan start sometin. But Sterling cross hit united defender as di ball go corner.
46' Second half don start wit substitution for Manchester United.
Manchester United don change Lindelof and Reguilion replace am. Chelsea too don change Cucurella and Recce James enta to replace am.
First half
Manchester United 1-1 Chelsea
Referee don blow whistle, first half don end.
49' United dey try to score anoda goal before half time, but Cucurella block Ganarcho shot wen di ball go corner.
47' Di last two minutes, United don concede two fouls, but dem no dey dangerous positions.
45' 8 minutes added time.
Manchester United 1-1 Chelsea
44' GOAL! Chelsea don score! Cola Palmer score afta di blues pass di ball slowly from center. Silva play am to Mudryk.
Di chelsea number 10 don take one touch wey im thread a pass behind for Cole Palmer. Di Englishman take im time adjust im body den shoot low into Onana far left corner .
41' Bruno hit di freekick but di ball hit di wall wey e go corner.
40' Caicedo don foul Diogo Dalot in front of di Chelsea box. Bruno, Shaw dey stand for di ball im back.
37' Ref don stop di game as di goal scorer McTominay don wound. Im dey receive treatment for park.
36' United don take advantage of poor defending by Chelsea wey dem launch attack.
But di defenders block Ganarcho im shot35' Chance for Chelsea! One ball from midfield find Jackson wey im leave for Mudryk. Di chelsea number 10 take di shot but e go wide.
32' Chelsea don waste anoda counter. Sterling carry di ball enta United box wey im pass to Jackson. Di Senegalese miss di chance as Onana rush come im top.
30' Manchester United don dey press Chelsea for dia house, dem almost force mistake from di chelsea keeper.
28' Di linesman im communication gadget don dey give am wahala. Di ref stop di game as dem dey try fix give am.
27' Chance to United! Diogo Dalot take im time hit one cross for Ganarcho. Di Argentine delay di shot. Las las im low shot go wide.
24' Chelsea take one quick freekick. Enzo pass di ball to Jackson wia im pass to Sterling.But di Englishman delay di shot wey im rather fall for ground .
Im want penalty but di ref wave am away.
20' Afta di restart, Chelsea get chance, but Jackson im pass to Sterling be weak.
United clear di ball.
Manchester United 1-0 Chelsea
18' GOAL! Manchester United don score ! Cole Palmer get ball for im box wey im dey try dribble.
Di ball break to United afta di initial shot wey hit a chelsea player, Scot McTominay shoot wey im score
17' Enzo Fernandez shoot from outside di box. Easy save for Onana.
15' Di game don turn end-to-end. Both teams dey hit dia opponent on di counter.
14' United get chance!Amrabat win di ball from Palmer wey im pass to Antony.
Di Brazilian im shot from di edge of di box be weak.
Sanchez don save am.
14' Yellow card for Luke Shaw afta im foul Sterling.
12' Chance to Chelsea.
Cole Palmer don intercept one pass from Amrabat
Im pass to Mukailo Mudryk, but di Ukrainian im shot from tight angle hit di post
11' Chance for Chelsea. Cole Palmer don intercept one pass from Amrabat
Im pass to Mukailo Mudryk, but di Ukrainian shot from tight angle hit di post.
Manchester United 0-0 Chelsea
8' Miss! Bruno don miss di penalty!!!!.
Di Portuguese take two slow jumps wey im pass di ball towards di left but Chelsea keeper Robert Sanchez save am!
Di follow up shot from Hojlund don go over di bar
Game still dey 0-0
7' Penalty to Manchester United! Referee don point to di spot afta di VAR check
Bruno go take am.
6' Enzo Fernandez be di culprit. Im step for Antony in leg after di Brazilian lose di ball for inside di box
6'Antony fall for inside Chelsea box. Im dey call for penalty. Referee dey go check VAR.
4' United get anoda successive corner but referee blow for offside against Hojlund.
3' Anoda chance for United! Rasmus Hojlund beat di offside trap wey im shoot low towards goal. Robert Sanchez save di ball, di resulting corner no trouble di Chelsea team.
2' Manchester United dey try settle for di game afta some fine pass captain Bruno Fernandes shoot. But di ball go wide.
1' Chelsea don start to pass di ball for dia area. Early break for di blues. Levi Colwill break dey go wia im pass di ball to Nicholas Jackson.
Di Senegalese wan beat im marker but e fall down wey di chance spoil.
1' Referee don whistle for di premier league classic between di 7th and di 11th for di table don start!
Manchester United afta shaky start don dey 7th .
Chelsea dey sit for 11th despite say dem buy plenti young players.
Line-up
Manchester United starting 11: Onana, Dalot, Lindelöf, Maguire, Shaw, McTominay, S Amrabat, Antony, Bruno Fernandes, Garnacho, Højlund
Chelsea starting 11: Sánchez, Disasi, Thiago Silva, Colwill, Cucurella, Caicedo, Fernández, Sterling, Palmer, Mudryk, Jackson
