Ghana vs Angola live stream: Kudus, Partey, Ayew start Afcon 2025 ...

13 days ago

Ghana 0-0 Angola 2025 Afcon qualifiers live updates

Wia dis foto come from, Getty Images

Ghana vs Angola - Figure 1
Photo BBC News
Wetin we call dis foto, Ghana and Angola face each oda afta a string of good results

5 September 2024, 10:45 WAT

New Informate 3 minutes wey don pass

Second Half

63" OFFSIDE! Kudus collect di ball on top of im chest from one Tariq Lamptery cross, but referee don blow whistle for offside.

60" Angola don make change wia dey take winger Luvumbo enta di game, wia im begin dey hustle for di ball.

57" Mohammed Salisu spin wey he release one shot ova di bar as im find imserf around di Angola area.

56" CHAAANCE! Antoine Semenyo take one shot from di edge of di box, but Angola keeper punch am for corner. Good save.

53" Play don restart. Angola dey try find dia attacker Jason Dala for di Ghana area. Di ball dey dance inside di area, bifor Ghana bin clear am.

Skip Recommended articles and continue reading

Recommended articles

End of Recommended articles

52" Defender Mohammed Salisu and Angola captain Fredy don clash in front of di Angola area. Both players dey for ground.

51" Ghana win anoda corner.

50" Abdul Mumin misplace di ball as im try to hit long pass to Tariq.

49" Kudus drive di ball wey im beat im marker bifor trying one shot from way outside di box, but di ball go wide of di post.

48" Angola try to break on di counter but di ball don run go ova. Goalkick for Ghana.

Ghana vs Angola - Figure 2
Photo BBC News

47" Corner for Ghana. Kudus don play di ball inside di box but Angola keeper catch am.

46" Ghana don pass di ball as referee blow whistle to start di second half.

Halftime !

45+5 Abdul Mumin don foul Mabululu. Referee blow whistle for halftime afat Angola take di freekick.

45+4" Tariq Lamptey try to get onto di end of one long ball ova di top inside di Angola box, but di Brighton man no fit to reach am.

45+3" Ghana win freekick for dia defense afta Mabululu tackle Abdul Mumin for dia.

45+2" Ayew challenge one Angola defender in di air for di ball inside di Angola box, but keeper comot come catch am.

45+1" Dey don add 5 mins to di game.

45" Di first half bin dey come to an end wit Ghana trying to create sometin but so far dey no dey successful.

43" Fatawu try to reach one ball into di box wit di Angola keeper di only player for back, but di keeper Neblu don catch di ball under pressure from di Leicester City player.

42" Di westham forward try to catach di Angola keeper off im line from di tight angle, di ball go ova di bar.

41" Freekick for Ghana, as Angola defender tackle Fatawu for di right side of di area close to di corner flag. Kudus dey stand behind dat ball.

39" Ghana win freekick for di Angola area but dey no fit create anytin wit dat ball. Bifor Mabululu chase down one ball as Salisu bin dey mark am. Goalkick for Ghana.

Ghana vs Angola - Figure 3
Photo BBC News

38" Slow build up by Ghana wit Fatawu, lamptey and Partey. Di ball just dey dance for midfield.

37" Lawrence Ati Zigi don punch di ball from di corner, bifor Angola lose possession to Ghana for midfield.

36" Tariq Lamptey tackle Jason Dala inside di box for Angola dia first corner.

34" CHAANCE! Kudus don release one shot from di edge of di box, goalkeeper don catch am for di second attempt.

Elisha Owusu don foul Mabululu for di Angola area for freekick.

33" Fataw win freekick inside im area afta im try to control one Thomas Partey pass.

32" Game don restart.

30" WATER BREAK!

29" Semenyo try to create chance for Ghana but Angola defenders block im shot, di ball fall to Jordan Ayew but im hesitate wey Angola clear di ball.

28" Both teams neva get any clear cut chances so far, but dey don settle for dis game.

27" CHANCE! Angola forward Nteka don hit one shot way ova di ball afta im receive cutback inside di Ghana box.

26" Alidu Seidu dey get some treatment.

25" Mata don foul Alidu Seidu as di Ghanaian player don dey drive wit di ball. Referee don tok to Mata wey im tell am say im last warning be dat.

24" Dala don shoot one ball on target but e dey weak; goalkeeper Ati-Zigi bin catch am.

22" Ghana pour forward wit Semenyo as Ayew and Kudus bin dey run enta di box, im pass to Jordan but di Leicester city striker im cross neva reach Semenyo wey don dey call for di cross.

Ghana vs Angola - Figure 4
Photo BBC News

21" Mohammed Salisu bin commit foul for di middle of di park as im dey track back.

20" Fatawu carry di ball dey try enta di Angola box but dey stop am right at di edge of di D.

Combination of Jason Dala and Fortuna don win freekick for Angola but di throw neva trouble di Gjhan defense.

19" Angola win freekick as Tariq LAmptey foul Jason Dala insid edi Angola half to prevent a counter.

18" Game don stop briefly afta somebodi invade di pitch

17" Jordan Ayew bin stand behind di free-kick. But di execution for dat ball dey poor. Di pass inside di box neva reach im player.

16" Bastos don tackle Semenyo as di Bournemouth striker dey drive enta di box. Ghana win throw wey Semenyo don win freekick for di far left corner of di Angola box afta anoda foul.

15" Ghana attack don breakdown as Kudus im cross from di right side of di box neva fiond any white-shirt for di Angola box.

14" Referee bin tok to Mabululu say make im relax for di game as im come from behind to challenge di Ghana goalkeeper as im dey try throw di ball inside.

13" Jason Dala bin dey worry di blackstars defenders; im win freekick afta Tariq Lamptey don foul am, but di resulting freekick dey weak, Ati-Zigi don catch am.

11' OFFSIDE! Anoda offside for Ghana, dis time Kudus na di culprit.

Ghana vs Angola - Figure 5
Photo BBC News

10" Second corner for di blackstars as Seidu drive di ball for di far corner bifor im pass to Semenyo, but di Bournemouth striker im shot hit im opponent wey e go corner.

9" Dala from Angola don swing boot for one ball wey di ball go wide into di stands afta Mabululu chest di ball to am in front of di Ghana box. Afta dat, im raise im hand to apologize for di poor effort.

8" Angola win freekick for midfield afta Issahaku foul im marker two times.

7" Good spell of possession for di blackstars, wit Partey, Ayew and Kudus inside midfield but Angola bin dey mark dem well well.

From di corner, Semenyo bin hit one weak shot wide off di Angola post wit di side of im boot. Goal kick.

5" Jordan Ayew break away wit di ball for di counter but im pass to Kudus dey weak. Angola clear am for corner.

4" Tins no settle yet, as Fredy bin pick up di ball for midfield but Angola no fit keep di ball.

3" OFFSIDE! Abdul Mumin play long ball ova di top into di Angola area but ref don blow whistle for offside.

2" Angola now play one long ball for Mabululu, but im no fit reach dat ball, Ghana don clear am.

Ghana try dey string early passes togeda wit Kudus, Ayew, Partey and Fatawu but di final ball dey weak.

Angola don pass di ball wey dey begin dey play for back bifor Jordan Ayew win early freekick for di center of di park.

Ghana vs Angola - Figure 6
Photo BBC News

1" Referee Uwikunka from Uganda don blow whistle for di game to start. Angola bin wear dia traditional burgundy jersey wia Ghana wear dia all-white jersey.

Di atmosphere alreadi don charge wit plenty fans for di stadium.

Both teams bin comot enta park wey dey don sing national anthems.

Welcome pipo to di live text commentary for dis game between di blackstars of Ghana and di palacas negras of Angola for di Baba Yara sports stadium in Kumasi.

First Half

Mohammed Kudus and Thomas Partey start for Ghana as they face Angola. Inaki Williams bin dey start on di bench.

Coach Otto Addo also include Auxerre midfielder Elisha Owusu for dis game as dey look to begin dia 2025 Afcon qualifier wit a win.

For Angola, coach Pedro Goncalves bin dey start wit experienced striker Mabululu wey Fredy don dey captain dem for midfield.

Ghana Starting XI: Ati Zigi (GK): Alidu Seidu, Tariq Lamptey, Abdul Mumin, Thomas Partey ©, Mohammed Salisu, Mohammed Kudus, Abdul Fatawu Issahaku, Antoine Semenyo, Elisha Owusu, Jordan Ayew

Angola starting XI: Neblu (GK); Kialonda, Bastos, Carmo, Fredy ©, Show, Mata, Fortuna, Nteka, Gelson, Mabululu.

Wia dis foto come from, GFA

Wetin we call dis foto, Coach Otto Addo secure 2 wins, 1 draw and 1 defeat for im second coming as blackstars coach

Ghana vs Angola - Figure 7
Photo BBC News

Wia dis foto come from, GFA

Wetin we call dis foto, Arsenal midfielder Thomas Partey go captain di team

All teams don dey worry but im tok say dey go beat Angola.

“Our squad dey ready for dis big game; Angola gat plenti good players wey dey lead dia Afcon group for di last competition. So na strong team wit tactical coach, but we also get good players wey go play our best to get di points,” di coach tok.

For di players, di na opportunity to improve on dia last two wins.

Leicester City forward Fatawu Issahaku say dey go dey count on di fans for Kumasi to deliver di results.

“Dis na anoda game, we go enta wit full energy and as we gat di support of di kontri, we go give everitin for di nation,” im tok afta di team training.

Angola coach Pedro Goncalves believe say Ghana gat balanced team, but dey go play to win against di Blackstars.

“Di Blackstars gat players at di highest level, di big names dey for midfield and dia attack. Di team don strong but we too dey much stronger.”

Pedro Goncalves also bin praise striker Agostinho Cristovao Paciencia wey pipo sabi as Mabululu.

“Im don build very good career, from di bottom to di top wey everibodi dey tok about am. Im also dey good form; na important player for us.”

Wia dis foto come from, GFA

Wetin we call dis foto, Bournemouth striker Antoine Semenyo bin score di only goal as Ghana beat Angola for Kumasi in 2023 Afcon qualifier

Wia dis foto come from, GFA

Wetin we call dis foto, Blackstars go count on home support to get di 3 points

Wia dis foto come from, GFA

Wetin we call dis foto, Di palancas negras wey win di COSAFA Cup recently bin dey in high spirit for dis game

Wia dis foto come from, Getty Images

Wetin we call dis foto, Angola coach Pedro Goncalves say im team gat experience dey go take beat di blackstars

Dey refresh di page for live updates

Read more
Similar news
This week's most popular news