Benin vs Nigeria live: Nwabal jonz as Mohamed Tijani score for ...

Osimhen clear road for Nigeria to enta Afcon 2025

Wia dis foto come from, Afcon

Afta a dramatic 90mins, Nigeria struggle dia way to end of di match as dem draw wit Benin Republic but still make am to di Africa Cup of Nations (Afcon) 2025.

Benin 1 vs 1 Nigeria

FINAL WHISTLE

90+4mins- Super Eagles narrowly escape defeat ooooooo but na luck

Benin no dey hope for a draw here but sadly, e be like say na so e go be ooo, except drama happun for dem

90+2mins- Corner kick for Benin but dem no fit convert am and e dey pain dem

90+1mins- Ademola Lookman out, Frank Onyeka in. Lookman no too get some impressive game today

4 Mins Added Time

89mins- Time dey go ooooo, Benin dey hope to win dis game oooo but na only drama fit make tins change since Osimhen don equalise

87mins- Victor Boniface wit a cool dribble for di side of di box 18. Corner kick for Nigeria as Ademola Lookman step-in to play am

Di game dey sweet belle oooo as Benin dey find goal to seal dia place for di Afcon qualifiers

86mins- Free Kick for Benin as Olaitan step in to play it. E play am twice, but di defenders dey ready

83mins- Di game don change like dis ooooo, energy don come for Nigeria

Benin 1 vs 1 Nigeria

81mins- Victor Osimhen score for Nigeria. Moses simon give dat correct pass wey help score di goal

GOOOAAAALLL

79mins- Bassey controlling di ball from di back, good breakdown. Ola Aina don get di ball..

77mins- Troost-Ekong dey standby for di defence to prevent Benin player from any goal. Ball don go goal kick shaaaa

Be like say Benin goal keeper don get serious waist pain, but back of im feet shaa, make we see as di game go end

75'SUBSTITUTION- DÁlmedia out and Houndtondji in for Benin

73mins- Victor Osimhen neva really get a good game but di chance wey dey come im way neva really dey converted to goal. Good header from Osimhen but e no enta net ooo

71' SUBSTITUTION- Victor Boniface in, Alex Iwobi don comot.

70mins- Ola Aina wit good struggle wit di Benin striker wey dey worry am for di defence

Nwabali wit di loooong throw, e reach Moses Simon.

68mins- Free kick to be taken by Ademola Lookman, but e dey veri poor. Di defenders block am since di kick no strong. Why e go play dat kain poor kick

66mins- Ademola Lookman wit good chances wey e wan convert but e neva get di correct way wia goal go come out from

63mins- Good chance coming for di Super Eagles wit good strengths but e neva clear if dem din charge or not

Nice Attempt from Osimhen again but e no enta goal post. Ola Aina give dat correct crossing but Osimhen no hit am well

61mins- OFFSIDE, Osimhen dey off for dat side

Good Attempt!!! Onyemachi play am wide across di goalpost afta Lookman and Iwobi give good passes

60mins- Ola Aina dey try im luck to move forward to di Benin box 18 but ball go out of play

58mins- Dis Nigeria team neva ready to score becos dia energy no dey show, but Benin republic dey enjoy diasef for di game wit plenti chnaces

Miss Again- Dis Benin team dey hot ooo, confam curve shot from di Benin player but e land near di goalpost

55mins- Lookman dey front wit high speed as di goalkeeper clear am comot for post

That Was A Miss!!! Lookman mis dat one on one for front of Benin goalkeeper.

53mins- Dis Super Eagles wey we dey look go need and speed to fit score for dis game oooo, be like say dem dey disconnected wit how dem dey play even though dem dey control di game

51mins- What A Miss!!! Benin no fit convert dat chance to go, Tijani for double di lead again afta Super Eagles defender no dey active to stop am for dia box 18

What A Shot!!! But e no go in, nice set piece by di Benin player

Benin 1 vs 0 Nigeria

Ohhhhhhh, Ndidi wit anoda foul again. Nigeria defence dey on pressure again wit free kick for Benin

48mins- Good marking by Troost-Ekong wey dey captain di Super Eagles. free kick taken by Tijani of Benin afta referee blow foul

46mins- Good kick from both teams wit hope say more goals go come in. Super Eagles don rearrange dia attack

SUBSTITUTION- Onyedika is in while Adebayo don go out. Moses Simon in also

SECOND HALF

HALF-TIME : Benin 1 vs 0 Nigeria

Referee say first half is ova

Oh Nigeria player is down, but di referee say play on. Good run dia by di Benin player but e no touch di ball.

45mins- Di scoreline neva change oooo as Benin still dey lead Nigeria but di Super Eagles dey control di game now but na goal neva comot ooo.

2 Mins Added time

Benin 1 vs 0 Nigeria

Di whole fans of Nigeria dey shout Osimhen name afta e miss dat chance but e go try am again

42mins- Nigeria for don equalise but di first clear chance wey Osimhen get no enta di net. Nigeria dey put plenti pressure for dis last minutes of di first half

What A Miss!!!! Victor Osimhen get confam chance from good pass from Lookman at di side but Osimhen header no enta di net

40mins- Free kick for Benin again. Long stretch of play straight into Nigeria box 18.

Nigeria attack gatz buckle up becos e be like say dis Benin player ready for any chance wey come dia way

38mins- Di man Ademola Lookman wit good control of di ball dia, trying to dribble all di players wey surround am. Throw-in for Nigeria

Shey Nigeria go fit find any goal for dis first half like dis as Benin tanda gidigba to defend well

36mins- Di Super Eagles dey sweat to find a goal but no show yet. Olaitan from Benin pushes di ball forward Nigeria goalpost wit a shot, but Nwabali catch am

34mins- Ola Aina wit a long throw for Nigeria, but good defence from di Benin players dey block evri attempt from di Super Eagles

Iheanacho step forward to take di free kick, ohhh, blocked by di defenders.

32mins- Kelechi Iheanacho dey wit Ola Aina for di wing trying to find correct goal for Nigeria. Free Kick to Nigeria

Lookman step forward to take dat free kick.

30mins- Calvin Bassey is down for di middle of play and di referee award di foul to Nigeria

Dis match get pressure for inside but be like say Super Eagles dey relax sake of say dem don qualify alreadi but Benin dey find dia own qualification and dem gatz beat Nigeria

26mins- What a tackle right inside di box 18, Tijani almost find di second goal for Benin again but di referee no blow any foul

24mins- Corner for Benin dey give dem joy so much as dem dey put pressure ontop di Eagles

23mins- Good defence from Benin Republic afta Osimhen try use header to score but di goalkeeper catch am

21mins- Captain Ekong dey play confam ball but e don injure now but referee no award any foul

19mins- What a SHOT!!! Serious pressure on Nwabali as Benin Republic striker dey hit di ball wit shot. Bassey gatz dey careful for di back to level up wit di defence

17mins- Nigeria Super Eagles now dey try to find equaliser.

Benin 1 vs 0 Nigeria

Mohammed Tijani score for Benin Republic, Beautiful header from dat angle wey make di ball pass Nwabali

GOOOOOOOOAAAAAAAAAAAAAAAAAALLLL

15mins- Benin don get chance for di Nigeria box 18. E fit be goal ooooo... Haaaaa, e enta ooo

Good ATTEMPT by Osimhen for front of di Benin goalkeeper but e no score. E don dey down for back of post

14mins- Troost-Ekong dey give confam pass for di middle

12mins- Ola Aina playing from di side wit good control of di ball. Niceeeeeee, Iwobi wit good touches at di middle as Nigeria dey control di game from post to post at di moment

So far, Nigeria dey playy impressive game but be like say Benin too no wan gree as dem dey fight for qualification

9mins- Starboy Osimhen is down afta Tijani from Benin give am hard tackle for middle of di pitch

8mins- Oooohhhhh, Iwobi from dat angle wan try back pass but im leg no touch am well. Onyemachi give correct crossing go inside di Benin box 18 but goal neva comot

6mins- Good chance from Benin for front of Nigeria goal post but e go goalkick as no leg touch di ball across di box

4mins- Good long throw-in from Benin Republic, good chances but not converted

OFFSIDE' Osimhen go offside afta one confam pass wey land for im side but di lines catch am

2mins- Onyemachi gain one throw-in for Nigeria as di Super Eagles dey press forward wit confam passes for front of Benin goal post

Onyemachi push di ball go front near di box 18, good crossing dia but header no dey

Osimhen and Lookman dey lead di Super Eagles of Nigeria for di front

1mins- Game don start ooooo as di referee blow di whistle.

0mins- Di Nigeria national anthem don go up as di fans dey cheer di palyers while Benin also sing dia own national anthem

Benin 0 vs 0 Nigeria

FIRST HALF

Benin vs Nigeria line ups

Nigeria: 23 Nwabali, 6 Osho, 5 Ekong (C), 21 Bassey, 2 Aina, 4 Ndidi, 17 Iwobi, 13 Onyemaechi, 7 Lookman, 14 Iheanacho, 9 Osimhen

Benin Republic: Danjinou, Moumini, Ouorou, Roche, Tijani, D'Almeida, Dokou, Hassane, Olaitan, Mounie, Aiyegun